سواء الميكروباص
وأنا رايحة شغلي الصبح , شاورت لميكروباص وسألته طالع ف وق الكوبري ياسطى, قالي أيوة, فاركبت معاه, وبعدين اكتشفت انه مش طالع فوق الكوبري ولا حاجة وكان بيقولي كده وخلاص عشان أركب معاه وياخد فلوس, والحكاية ده بقى بتحصل كتير أوي, سواء الميكروباص يستعبط ويقول أيوة طالع فوق الكوبري وهو مش طالع, ويقولك بقى ايه الزبون ركب خلاص و هيطنش ومش هيقولي حاجة وهينزل تحت الكوبري ويبقى يمشى شوية مش مشكلة
حسبي الله ونعم الوكيل
posted by marwa at 7:05 AM
11 Comments:
هاااااااااااااااااااااااايل يا مروة البلوج الجديد تحفة فعلا وإسمه " النصابين " ما حصلش
ميرسي يا علياء لإعجابك بالبلوج, أصلي بصراحة كتبت الكلام ده بعد ما حصل معايا أكتر من موقف نصب ورا بعض غير كمان اللي ذكرتهم في البلوج, فبصراحة كنت مدايقة أوي ومخنوقة أوي وحسى ان الناس مبقاش عندها أخلاق ولا ضمير فقلت أطلع اللي جوايا شوية
أنا كان فيه نموذج كنت محتاجه علشان كنت بأعمل مصلحة ، ببساطة شديدة لقيت ناس برة بيبيعوه .. ولأني كنت غريب عن البلد اللي كنت بأعمل فيها المصلحة اشتريت النموذج بعشرة جنيه .. شفت زيه مع واحد في المصلحة فربنا ألهمني بإني سألته : انت جبته بكام ؟ قال لي باتنين جنيه ونص!
يعني أربع مرات قد تمنه الحقيقي ..
نصب بقلة الأدب!
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
ياستي طبيعي انتي في مصر
وكل عام وانتي بخير
وعيد مبارك من البركة
بس لو انتيمن النوع اللي مابيسكتش يبقه هاتعرفي تخدي حقك ازاي جربي مرة متدفعيش فلوس للسواقين النصابين وشوفي هايحصل ايه
تبقي قليلي عنوان المستشفى
ماشي
وربنا يسترها
احسنتى يا مروه
موقف متكرر مع ناس كتير وربنا
معنا من اللى بنشوفه اليومين دول
ياريت تيجى
على الكوبرى بس
وعلى فكره انا عامل موقع جديدوياريت تشرفينى بالزياره
منتظرك
قلم جاف
أنا برد متأخر أوي ,بس معلش سماح
بس بجد الموقف اللي بتقولوا حاجة مستفزة جدا, عشان ده سرقة وحاجة مستفزة جدا وتلاقيه كمان ولا على باله وفاكر انه كدة شاطر ومفيش زيه
بين الأمل واليأس
مه للأسف الموقف بيحصل بعد ما بكون أنا دفعت خلاص للسواء , وطبعا ما دام خد الفلوش خلاص مش هيعبرني حتى لو قعدت أتخانق واشتم فيه للصبح,تعرف ساعات بقول يا ريتني بعرف كاراتيه ولا حاجة عشان أدخله هو المستشفى :)
سلطان الخواطر
مهو للأسف مش موقف الكوبري بس لكن حاجات كتيير :(
ياااه
ده مسلسل دوري كل يوم
Post a Comment
<< Home